Алматыда Жандосов көшесінің учаскесі біраз уақытқа жабылады

Жандосов көшесінің учаскесіне орташа жөндеу жүргізуге байланысты қозғалысқа уақытша шектеулер енгізіледі, деп хабарлайды Аlmaty.tv.

Мәселен, 3 тамызда сағат 23:00-ден 5 тамызда сағат 11:00-ге дейін Тимирязев көшесінен Манас көшесіне дейінгі учаскеде қозғалыс жабылады.

Айналма жол шығыс бағытта Сәтбаев және Розыбакиев көшелерімен, батыс бағытта Тимирязев және Байзақов көшелерінде қамтамасыз етіледі.

Жөнделетін учаскеде ескерту белгілері, мердігер ұйым басшысының байланыс ақпараты бар стендтер қойылады. Маршрутты алдын ала жоспарлауды сұраймыз.

Естеріңізге сала кетейік, қозғалыстарды шектеуге қатысты барлық ақпарат сайтта орналастырылған Almaty.kz, @AlmatyJoly Telegram-арнасында, аудандық әкімдіктер мен басқармалардың әлеуметтік желілерінде, сондай-ақ 2GIS және «Яндекс карталар» сервистерінде.

Оқи отырыңыз: Алматының коммуналдық қызметіндегі жаңа техника қол еңбегін азайтуға септігін тигізеді