|
30.05.2019 | 16:53
4486

Балқашта су түбінен баланың денесі табылды

В полиции предполагают, что обнаружено тело исчезнувшего двухлетнего мальчика

Балқашта су түбінен баланың денесі табылды

Қарағанды облысының Балқаш қаласында сүңгуірлер коллектордан баланың денесін алып шықты. Алдын ала болжам бойынша, мәйіт өткен жылдың қазан айында жоғалған екі жасар баланікі болуы мүмкін, деп хабарлайды облыстық Төтенше жағдайлар департаментінің баспасөз қызметі.

«Кеше, 29 мамыр күні тұрғындардан судан баланың денесіне ұқсас әлденені байқағандары туралы хабар түсті. Бүгін сүңгуірлер баланың денесін алып шықты», - делінген хабарламада.

Күні бойы құтқарушылар оқиға орнында жұмыс істеп, су астына сүңгіген. Алайда іздеу жұмыстарына ағыстың қатты болуы кедергі жасаған. Төтенше жағдай қызметкерлерінің өтінішінен соң Балқаш ЖЭО-дан су ағызу көлемі төмендетілді.

Нәтижесінде, 30 мамыр күні сүңгуірлер коллектордың түбіне сүңгіп, баланың мәйітін тапты. Дене Балқаш ЖЭО-ның су ағызу коллекторының аузындағы темір бетонды конструкциялардың астында пайда болған саңылауда қысылып, қиыршық тас пен бетонды сынықтармен көміліп қалған.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир