|
Oqıǵalar
19.03.2020 | 17:12

Талдықорғанда полицейлер әйелге қарақшылық жасаған күдіктіні ұстады

Аталған дерек ҚР Қылмыстық кодексінің 192-бабы 2-бөлігінің 4-тармағы бойынша сотқа дейінгі тергеп-тексерудің бірыңғай тізіліміне тіркелген

Талдықорғанда полицейлер әйелге қарақшылық  жасаған күдіктіні ұстады

Талдықорғанда полицейлер әйелге қарақшылық шабуыл жасаған күдіктіні ұстады, деп хабарлайды Polisia.kz.

Сағат 07:23 шамасында Талдықорған қаласының Шығыс полиция бөлімінің кезекші бөліміне Уәлиханов – Ізбасаров көшелерінің қиылысында 35 жастағы азаматшаға қарақшылық шабуыл жасалғаны туралы хабарлама келіп түсті. Қаскүнем азаматшаның жамбасының төменгі бөлігіне пышақ жарақатын салып, оның косметика, құжат және төрт жүз мың теңгеден астам ірі ақша сомасы бар сөмкесін қолды қылған.

Аталған дерек ҚР Қылмыстық кодексінің 192-бабы 2-бөлігінің 4-тармағы бойынша сотқа дейінгі тергеп-тексерудің бірыңғай тізіліміне тіркелген. Аз уақыт ішінде жедел уәкілдер ұрлық жасағаны үшін бұрын екі рет сотталған, белгілі бір тұрғылықты жері жоқ 34 жастағы ер адамды ұстады. Жәбірленуші мен қылмыс жасаған ауданда күдіктіні көрген куәгерлер азаматты таныды.

Ұсталған азаматтың қылмыс жасамағаны туралы ұсынған айғақтары дәлелденбеді. Ол ұсынған куәгерлер қылмыс кезінде күдіктінің өздерімен бірге болғанын жоққа шығарып, керісінше жәбірленушінің бөксесінен алынған ас үй пышағын ерекше белгілері бойынша танып оны әшкереледі. Бір күн бұрын, күдікті олардың үйінен кеткеннен кейін асүйі пышағы жоғалған. Күдікті ҚР Қылмыстық іс жүргізу кодексінің 128-бабына сәйкес уақытша ұстау оқшаулағышына қамаққа алынды.

‡агрузка...