Алматыда қоғамдық көліктер соқтығысып, салдарынан 9 адам зардап шекті

Алматыда қоғамдық көліктер бір-бірімен соқтығысып қалды. Жол көлік апаты бүгін таңғы сағат  10.00 шамасында болған, деп хабарлайды Almaty.tv.

Қалалық Полиция департаментінің мәліметіне сәйкес, №32-автобустағы көлік жүргізушісі тізгінге ие бола алмай, алдында тұрған автобусқа барып соқтығысқан. Апат салдарынан 9 адам зардап шекті. Оның екеуі – бала. Аталған факті бойынша тергеу ісі басталды.

«Қазіргі таңда өндірісті полиция өз қарауына алды. Сот медициналық сараптама тағайындалатын болады. Зардап шеккен азаматтардың дене жарақаттарының ауырлық деңгейін анықтау мақсатында. Содан соң іс бойынша тиісті шешім қабылданады», – деді Алматы қаласы Полиция департаментінің ресми өкілі Салтанат Әзірбек.