Арқалықта көпірден өзенге құлап кеткен оқушы құтқарылды

Арқалықта полицейлер көпірден өзенге құлап кеткен оқушыны құтқарып қалды, деп хабарлайды Almaty.tv тілшісі ҚазАқпаратқа сілтеме жасап.

ІІМ мәліметінше, 102 пультіне жас қыздың суға құлағаны туралы шақырту келіп түскен.

Оқиға орнына автопатрульдің екі экипажы жедел түрде жетті.

«Полиция қызметкерлері Әміржан Тобылбаев пен Дүйсенбай Сәбитбеков құтқару құралдарын пайдаланып, бірден суға секірді. Оны жағаға шығарғаннан кейін Руслан Капсаматов қызға алғашқы медициналық көмек көрсетті. Полицейлер жәбірленушіні жедел медициналық жәрдемнің мамандарына тапсырды. Ол гипотермия диагнозымен ауруханаға жатқызылды», – деп жазды ведомстводан.

Кейінірек 16 жастағы мектеп оқушысы абайсызда суға құлап кеткені анықталды.