Астанада техникалық қызмет көрсету орталығы өртенді

Фото: видеодан алынған

9 ақпанда сағат 13:57-де өрт сөндірушілер өртті сөндіру үшін Айнакөл көшесі, 149 мекенжайына барған

Астанада техникалық қызмет көрсету орталығының бір қабатты ғимараты өртенді, деп хабарлайды Almaty.tv тілшісі Tengrinews.kz-ке сілтеме жасап.

Елордалық ТЖД мәліметінше, 9 ақпанда сағат 13:57-де өрт сөндірушілер өртті сөндіру үшін Айнакөл көшесі, 149 мекенжайына барған.

"Өрт сөндірушілер келгеннен соң, бес минуттан кейін шамамен 200 шаршы метр аумақта жеке үйге жапсарлас салынған бір қабатты ТҚК орталығының ғимараты жанып жатқаны анықтады", – деп хабарлады елордалық ТЖД баспасөз қызметі.