|
15.11.2019 | 18:02
2324

Ақтөбе облысында жасөспірімдер адам өлтірген

Өңірдегі бас полицейдің айтуынша, биыл кәмелеттік жасқа толмаған жасөспірімдер 112 рет қылмыс жасаған

Ақтөбе облысында жасөспірімдер адам өлтірген Sputnik

Ақтөбе облысында колледж студенттері жиі қылмыс жасайды, деп хабарлады Sputnik.

"Шығармашылық орталығында" 14 қараша күні Ақтөбе облысы Полиция департаментінің басшысы Атығай Арыстанов өңірдегі мектеп, колледж директорлары және ата-аналар комитетінің өкілдерімен жасөспірімдер арасындағы қылмыс мәселесін талқыға салды.

Жиын барысында өңірдегі бас тәртіп сақшысы жасөспірімдер қылмысымен полиция, білім беру ұйымдары мен ата-аналар бірлесіп күресу керек екенін айтты. Тәрбие отбасынан басталуы тиіс.

Сондай-ақ департамент басшысы жағымсыз статистикаға тоқталды. Оның айтуынша, облыста кәмелетке толмағандар112 қылмыс жасаған. Оның үшеуі адам өлтіру, жетеуі денеге жарақат салу және біреуі бопсалау.

Қылмыстарды орта мектептің 28 оқушысы, 63 колледж студенті және 4 жоғары оқу орнының студенті жасаған.

Облыстық білім басқармасының басшысы Ләззат Оразбаева тәртіп сақшысының сөзімен келісетінін атап өтіп, бұл проблеманы шешуге құқық қорғау органдары ғана емес, білім беру ұйымдары мен ата-аналар да араласуы қажеттігін жеткізді.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир