Іле ауданында 10 жастағы бала жүк көлігінің астына түсіп, көз жұмды

Іле ауданына қарасты Жетіген ауылында 10 жастағы бала жүк көлігінің астына түсіп, көз жұмды, деп хабарлайды Almaty.tv тілшісі.

Оқиға бүгін сағат 10:00-де болған. Виноградная мен Южная көшелерінің қиылысындағы жайттың куәгерлері жеткіншектің велосипед теуіп келе жатып, апатқа ұшырағанын айтып отыр. 

"Жүк көлігін 62 жастағы ер адам басқарған. Аталған жол-көлік оқиғасы бойынша ҚР ҚК 345-бабының 3-бөлігімен қылмыстық іс қозғалды. Жүк көлігі тәркіленіп, қажетті сараптама жүргізу үшін арнайы тұраққа орналастырылды", - деді Алматы облыстық ПД ресми өкілі Ернар Сайділдин.