Анастасия Галееваның өлімі бойынша тергеу жұмысы аяқталды

Полиция қызметкерлері тергеу барысында ауқымды жұмыс атқарылғанын жеткізді.

Анастасия Галееваның өлімі бойынша тергеу жұмысы аяқталды. Қылмыстық істің материалдары сотқа өтті, деп хабарлайды KAZ.NUR.KZ.

Алматы облысы полиция департаментінің мәліметінше, 1992 және 1993 жылғы екі күдікті де марқұм Анастасия Галеевамен таныс болған.

Олар адам өлтіргені және қылмысын жасырып қалғаны үшін айыпталып жатыр.

Полиция қызметкерлері тергеу барысында ауқымды жұмыс атқарылғанын жеткізді.

Айта кетейік, бойжеткен құрбысының үйіне кетіп, жоғалып кеткен болатын.

Достарының сөзінше, ол табиғи өліммен көз жұмған. Анықталғандай, күдіктілер тәртіп сақшыларын шақырмай-ақ, марқұмның денесін арнаға лақтырып жіберген.