Жетісу облысында темір жолды кесіп өтпек болған жүргізушісі пойызға соғылды

Ал Жетісу облысында темір жолды кесіп өтпек болған 68 жастағы көлік жүргізушісі жүйіткіген пойызға соғылды, деп хабарлайды Almaty.tv.

Соққының қатты болғаны соншалық жеңіл автомобиль 20 метрдей алысқа ұшып түскен. Оқиға кеше таңғы уақытта Ескелді ауданында болған. Жол апаты салдарынан автомобильдегі 3 адам зардап шекті. Полиция жарақат алған жолушылар да, көлік жүргізушісі де тірі қалғанын мәлімдеді.

«Автокөлік салонындағы 3 адам түрлі жарақатпен аудандық ауруханаға жатқызылды. Полиция көлік жүргізушілерін автомобильді басқару кезінде мұқият болуға және жол ережесін қатаң сақтауға шақырады», – деді полиция департаментінің ресми өкілі Жанна Нүпбаева.