Алматыда полициядан қашқан көлік жүргізушісінен қару табылды

Алматыда полицияның тексерісіне қарсылық білдіріп, бекеттен қашып кеткен көлік жүргізушісі ұсталды, деп хабарлайды Almaty.tv.

Қалалық полиция департаментінің мәліметінше, бұзақы алматылық бекеттен қашып қана коймай, полицияның аяғын зақымдаған. Тәртіпке бағынбаған 1983 жылғы азамат Абай мен Алтынсарин көшелерінің қиылысында ұсталды. Оның көлігін тінту барысында ішінен қару табылған. Әзірге оның кімге тиесілі екені тексеріліп жатыр. Қазіргі уақытта ұсталған азаматқа қатысты Қазақстан Республикасы Қылмыстық кодексінің 379-бабы бойынша қылмыстық іс қозғалды.