Б. Сағынтаев барлық құрылыс алаңында қауіпсіздік ережелерінің сақталуын тексеруді тапсырды

Алматы қаласының әкімі Бақытжан Сағынтаев өзінің Facebook парақшасында үш жасар баланың қайғылы қазасына байланысты көңіл айтты, деп хабарлайды Almaty.tv.

«Бүгін қайғылы оқиға орын алды. 3 жасар баланың өмірі үзілді. Жақындары мен туыстарына көңіл айтамын. Полиция жан-жақты әрі объективті тергеу жүргізеді. Жайлы қалалық орта мен ҚҚББ басқармаларына бұл нысандағы мердігерлер мен қосалқы мердігерлердің құрылыс нормалары мен ережелерін сақтауын тексеруді тапсырдым. Сондай-ақ, қаланың барлық құрылыс компанияларының жұмыс кезінде қауіпсіздік техникасын қаншалықты сақтайтынын тексеруді тапсырдым», - деп жазды Б. Сағынтаев