«Бұқар Жырау» тұрғын үй кешенінде атыс шығарған адам терезеден секіріп кетті

Sputniik.kz

Алматы қаласы полиция департаментінің баспасөз қызметінің хабарлауынша, қарулы адам құқық қорғаушылармен келіссөзге келмей, оларға қарсы оқ атқан

«Бұқар Жырау» тұрғын үй кешенінде атыс шығарған ер адам терезеден секіріп кетті, деп хабарлайды Almaty.tv.

Күндіз тұрғын үй маңында күзетшінің аяғына оқ атқан қарулы адам кешке дейін пәтер ішінде жасырынды. Сағат кешкі жеті шамасында полиция қарулы адамды ұстау бойынша арнайы операцияны бастады.

Алматы қаласы полиция департаментінің баспасөз қызметінің хабарлауынша, қарулы адам құқық қорғаушылармен келіссөзге келмей, оларға қарсы оқ атқан. Арнайы операция сәтсіз аяқталып, қарулы адам терезеден секіріп кетті.

Алматы қаласы қоғамдық денсаулық басқармасы оқыс оқиғадан жарақат алған күзетшінің қаладағы медицина мекемелерінің біріне жеткізілгенін, жағдайы қалыпты екенін мәлімдеді. Оның өміріне қауіп төніп тұрған жоқ.