Алматыдағы өртті сөндіруге ТЖД-ның жеке құрамы түгел жұмылдырылды

Алматы қалалық Төтенше жағдайлар департаментінің басшысы Серік Әубәкіров Көктөбенің төменгі тұсында тұтанған екінші өртті ауыздықтау неліктен қиын болып отырғанын түсіндірді, деп хабарлайды ҚазАқпарат. 

«Алматы қаласы гарнизонының барлық жеке құрамы өрттің ең жоғары үшінші дәрежесі бойынша көтерілді. Басымдық тұрғын үй секторын қорғауға бағытталған. Жалын тарап жатыр, оның аумағы ұлғаюда. Түнгі уақыттағы жұмыс қауіпсіздік техникасын сақтаумен қиындай түсуде. Себебі қурайдың биіктігі кейде адамның бойын жауып тұрады. Қазіргі уақытта өрттің таралуы тоқтатылды. Жеке ошақтарды сөндіру жүргізіліп жатыр», - деп жазды ол Facebook-та.