Алматыда Жамақаев көшесінің бір бөлігі уақытша жөндеуге жабылады

Жамақаев көшесінің белгілі бір аумағында жол жамылғысын жөндеу жұмыстарына байланысты көлік қозғалысына уақытша шектеулер енгізіледі, - деп хабарлайды Almaty.tv.

Атап айтқанда, 4 сәуір күні сағат 05:00-ден 6 сәуір күні сағат 06:00-ге дейін Ахмедьяров көшесінен Иванилов тұйығына дейінгі аралықта қозғалыс толықтай жабылады.

Бұл аумақты Сызғанов, Иванилов және Ескендіров көшелері арқылы айналып өтуге болады.

Жөндеу жүргізілетін аумақта ескерту белгілері мен мердігер ұйым басшысының байланыс деректері көрсетілген ақпараттық тақталар орнатылады. Тұрғындардан бағытын алдын ала жоспарлауды сұраймыз.

Оқи отырыңыз: Алматыда заңсыз сауда нысандары сүрілді