Алматыда жылу желілеріндегі жөндеу жұмысы кезінде қозғалыс шектеледі

27 қыркүйекте сағат 22:00-ден 28 қыркүйек сағат 08:00-ге дейін Алматы қаласы Әуезов ауданында Алтынсарин даңғылы бойымен №6 қалалық емханадан Абай даңғылына дейін оңтүстік бағытта көлік қозғалысы жабылады, деп хабарлайды Almaty.tv тілшісі «Алматы жылу желілері» ЖШС баспасөз қызметіне сілтеме жасап.

Солтүстік бағытта қозғалыс ашық болады.

Уақытша шектеулер жылумен жабдықтау желілерін алдағы жылу беру маусымына дайындау шаралары аясында магистральдық құбыр учаскесінде жөндеу жұмыстарының қауіпсіздігін қамтамасыз ету мақсатында енгізілуде.

Естеріңізге сала кетейік, қозғалысты шектеуге қатысты барлық ақпарат Almaty.kz сайтында, Telegram @AlmatyJoly арнасында, аудан әкімдіктері мен басқармаларының әлеуметтік желілерінде, сондай-ақ 2GIS және Яндекс карталары сервистерінде орналастырылған.

Уақытша қолайсыздықтар үшін кешірім сұраймыз және түсінуіңізді сұраймыз.

Оқи отырыңыз: Елу жыл бойы өлім жазасын күткен азамат ақталып шықты