Қасым-Жомарт Тоқаев референдумда дауыс берді

Almaty.tv

Мемлекет басшысы елордадағы Оқушылар сарайында орналасқан №59 дауыс беру учаскесіне келді

ҚР Президенті Қасым-Жомарт Тоқаев референдумда дауыс берді, деп хабарлайды Almaty.tv.

Мемлекет басшысы Қасым-Жомарт Тоқаев референдумда өз таңдауын жасады. Президент елордадағы Оқушылар сарайында орналасқан №59 учаскеге барып дауыс берді. Дауыс бергеннен кейін БАҚ арналған брифинг өткізіп, референдумның жоғары деңгейде ұйымдастырылғанын атап өтті. Қасым-Жомарт Тоқаев конституциялық реформаның негізгі мақсат-міндеттеріне қатысты журналистердің сауалына жауап берді.

«Еліміздің тарихындағы өте маңызды күн. Халқымыз бүгін бетбұрысты шешім қабылдамақ. Бәрі жақсы болады деп ойлаймын. Ешқандай мәжбүрлік жоқ. Референдум жоғары деңгейде ұйымдастырылған», – деді ҚР Президенті Қасым-Жомарт Тоқаев.