Еліміздің оңтүстігінде іссапарда жүрген Асанәлі Әшімов таңдауын жасады

Актер Шымкент қаласындағы №231 сайлау учаскесінде дауыс берді

Белгілі актер, Алматы қаласының тұрғыны Асанәлі Әшімов Шымкент қаласындағы №231 сайлау учаскесінде дауыс берді, деп хабарлайды Almaty.tv тілшіміз.

Еліміздің оңтүстігінде іссапарда жүрген киножұлдыз жұбайымен бірге дауыс беруге барды.

«Референдум – ел үшін өтіп жатқан үлкен саяси науқан. Халқымыздың әл-ауқаты жақсарып, білімге деген ұмтылысы артып, өнер, ғылым мен мәдениеттің өркендеуі үшін өз дауысымды беріп отырмыз. Өнер, ғылым, білім өспей, халық өспейді. Президентіміз бұл мәселені халыққа кеңінен түсіндіріп, оң бастамаларды қолға алды. Уақыт өте келе оң өзгерістердің мол болатынына сенімдімін молынан болар деп сенеміз. Біз қашан да жақсылықтың жағындамыз», – деді актер.