Аты аңызға айналған опера әншісі Бибігүл Төлегенова Алматыда өткен референдумға қатысты

Қазақстанның халық артисі, Алматы қаласының құрметті азаматы Бибігүл Төлегенова республикалық референдумға қатысып, таңдау жасады. Дауыс беру рәсімі оның үйінде ұйымдастырылды, деп хабарлайды Almaty.tv.

Өнер иесі мемлекет дамуы мен тұрақтылығы көбіне азаматтардың белсенділігіне байланысты екенін атап өтті.

Сонымен қатар ол елге ақ батасын берді.

«Еліміз аман болсын! Жерімізде бейбітшілік орнап, ішкі де, сыртқы да жаудан аман болайық. Мәңгілік елде халқымыз бақытты өмір сүрсін», — деді Бибігүл Төлегенова.

Қазіргі уақытта еліміздің барлық өңірінде қазақстандықтар референдумға келіп, дауыс беріп жатыр.

Оқи отырыңыз: Алматы әкімі Дархан Сатыбалды республикалық референдумда дауыс берді