Шет қалмау маңызды: Ермахан Ибраимов референдум туралы

Бокстан Олимпиада чемпионы Ермахан Ибраимов Алматыдағы сайлау учаскелерінің бірінде дауыс беріп, республикалық референдумға қатысты, деп хабарлайды Almaty.tv.

Спортшы мұндай шараларға қатысу – азаматтық жауапкершіліктің маңызды бөлігі әрі елдің болашағына әсер ететін мәселе бойынша әр азаматтың пікірін білдіруіне мүмкіндік екенін атап өтті.

«Бүгін мен сайлау учаскесіне отбасыммен бірге келдім. Біз үшін бұл – жақсы дәстүр. Сайлау мен референдумдарды өткізіп алмауға тырысамыз, әр жолы осы жерде – Мемлекеттік қуыршақ театры ғимаратында орналасқан учаскеде дауыс береміз. Қасым-Жомарт Тоқаев атап өткендей, Конституцияға ұсынылып отырған өзгерістер елдің одан әрі дамуына бағытталған. Сондықтан келіп, таңдауымды жасау маңызды деп есептеймін», – деді Ибраимов.

Ермахан Ибраимов – 2000 жылы Сиднейде өткен Олимпиада ойындарының чемпионы және Қазақстандағы ең танымал боксшылардың бірі. Ол отандық спорттың дамуына зор үлес қосқан.

Оқи отырыңыз: Алматының Алмалы ауданындағы 90 жастағы құрдастар референдумда дауыс берді