Алматының Алатау ауданындағы Ақсақалдар кеңесінің мүшелері референдумда дауыс берді

Алматының Алатау ауданында тұрғындар таңертеңнен бастап референдумға дауыс беруге келіп жатыр, деп хабарлайды Almaty.tv.

«Ақкент» шағынауданындағы №161 сайлау учаскесінде таңғы сағат 07:00-де шағын кезек пайда болды.

«Біз отбасымызбен бірге учаскеге келіп, дауыс бердік. Таңертең ерте болғанына қарамастан, адамдар көп екен. Бұл аудан тұрғындарының белсенді екенін көрсетеді», - деді сайлаушылардың бірі.

Учаскеде Алатау ауданы Ақсақалдар кеңесінің өкілдері де болды. Ақсақалдардың көпшілігі ұлттық киім киіп келген.

«Кейбір ақсақалдар ұлттық киім киіп келді. Бір-бірімізбен жылы амандасып, естелік суретке түстік», - деді ақсақалдардың бірі.

Комиссия мүшелерінің айтуынша, дауыс беру тыныш әрі ұйымдасқан түрде өтіп жатыр. Сайлаушылар тізім бойынша тіркеліп, бюллетень алып, белгіленген тәртіпке сәйкес дауыс беруде.

Аудан тұрғындары учаскелерге келіп, дауыс беріп жатыр.

Оқи отырыңыз: Алматылықтар референдумға белсенді қатысып жатыр — кейбір учаскелерде кезек пайда болды