Меншікті өндіріс
Біз әлеуметтік желілердеміз
Алматыда екі дүркін әлем чемпионы Алуа Балқыбекова референдумда дауыс берді
Танымал спортшы дауыс беруге арнайы келгенін атап өтті
Бокстан екі дүркін әлем чемпионы Алуа Балқыбекова республикалық референдумға қатысып, таңдауын жасады. Ол Наурызбай ауданындағы №515 референдум учаскесіне келіп, дауыс берді, деп хабарлайды Almaty.tv.
Танымал спортшы дауыс беруге арнайы келгенін атап өтті. Қазіргі уақытта ол Алматы облысында өтіп жатқан оқу-жаттығу жиынында жүр.
«Бүгін, 15 наурыз күні, бүкіл республика бойынша референдум өтіп жатыр. Сондықтан арнайы өз учаскеме келіп, дауыс бердім. Бұл еліміздің болашағы үшін маңызды оқиға», — деді Алуа Балқыбекова.
Айта кетейік, Алматы тұрғындары 653 референдум учаскесінде дауыс беріп жатыр. Сағат 7:00-де ашылған учаскелер сағат 20:00-ге дейін жұмыс істейді.
Оқи отырыңыз: Алматы әкімі Дархан Сатыбалды республикалық референдумда дауыс берді