Алматы қаласының Кәсіподақтар орталығы сайлаудағы әділ және адал бақылау туралы Хартияны қолдайды

"Алматы қаласының Кәсіподақтар орталығы "Аумақтық кәсіподақтар бірлестігі сайлаудағы әділ және адал бақылау туралы Хартияны қолдайды, деп хабарлайды Almaty.tv.

"Кеше Нұр-Сұлтан қаласында өткен баспасөз мәслихатында белгілі қоғам қайраткері, Хартия идеясының авторы Айгүл Соловьева сөз сөйледі, - деп атап өтті ҚР Парламент Мәжілісі мен маслихат депутаттарының сайлауында Алматы қаласы кәсіподақтарының аумақтық бірлестігінің бақылаушылар штабының жетекшісі Серікжан Байғұттинов. -  Ұсынған құжат алдағы сайлау үдерісіндегі барлық бақылаушылар үшін сайлауды лайықты өткізу үшін біріктіруші бастама болады. Халықаралық стандарттар негізіндегі бірыңғай қағидалар мен тәсілдер және оларды қатаң ұстану азаматтық қоғамды топтастыруға, сайлау нәтижелері мен қорытындыларына сенуге мүмкіндік береді".

Кеше сайлауды бақылау туралы Хартияны ҚР Кәсіподақтар федерациясы қолдады.

Байғұттиновтың айтуынша, Хартияға қосыла отырып, "Алматы қаласының Кәсіподақтар орталығы" Аумақтық кәсіподақтар бірлестігі сайлау процесіне әділ және адал бақылау жүргізуге, барлық ішкі және халықаралық бақылаушылармен өзара іс-қимыл жасауға және ынтымақтасуға ниетті.

Кәсіподақтардың бақылаушылары халықтық ерік білдірудің демократиялық институттарын жетілдіруге, ДИАҚБ бақылаушыларының мінез-құлық кодексін және объективтілік, анықтық, жауапкершілік және жариялылық, ашықтық және заңдылық қағидаттарын ұстануға ықпал ететін болады.

Мақсатты іске асыру мақсатында Қазақстанның кәсіподақтары ҚР Конституциясын және сайлау заңнамасын сақтау, сондай-ақ бақылауды жүзеге асыру кезінде халықаралық актілерді басшылыққа алуға міндеттеледі.

Алматы қаласының Кәсіподақтар орталығы қол қойған Хартия пункттерінің қатарында - басқа ұйымдардың жұмысын құрметтеу, партиялардан тәуелсіз және бақылаушылардың  рөлін тану, олармен диалог пен ынтымақтастыққа дайын болу, сайлау процесіне қатысушылардың тең мүмкіндіктері мен құқықтарының сақталуына қоғамдық бақылау жүргізу бар.

Кәсіподақтардың бақылаушылары дауыс беру барысын, дауыстарды санауды, сайлау нәтижелерін бағалауды, сондай-ақ Қазақстанда сайлауды қоғамдық және халықаралық байқауды ұйымдастыру кепілдігін бекіту үшін Хартияның басқа да ережелерін жүзеге асырады.

"Алматы қаласының Кәсіподақтар орталығы" Аумақтық кәсіподақтар бірлестігі сайлауалды штабының мүшесі Құралай Беркімбаева өз тарапынан ҚРКФ бақылаушылары, бақылаушылар мектебінде оқудан өткенін және 2021 жылғы 10 қаңтарда өтетін ҚР Парламент Мәжілісі мен жергілікті өкілді билік органдарының (маслихаттар) сайлауына қатысуға дайын екенін атап өтті.

"Осы сайлауда бақылаушы ретінде Қазақстанның үш қоғамдық ұйымы аккредиттелді, оның ішінде кәсіподақтар", - деп атап өтті Қ.Беркімбаева. - Кәсіподақтардың бақылаушылары ретінде біз сайлаудағы әділ және адал бақылау туралы Хартияны жан-жақты қолдаймыз және Қазақстанда сайлау құқығының демократиялық және заңды қағидаттарын жетілдіруге жәрдемдесуге ниеттіміз. Біз барлық білімдеріміз бен күш-жігерімізді сайлаушылардың ерік білдіруін жүзеге асыруға бағыттауға және азаматтардың бостандықтарын іске асырудағы кез келген қол сұғушылыққа жедел әрекет етуге дайынбыз. Барлық сайлаушыларды сайлау учаскелеріне келуге және өздерінің конституциялық құқығын жүзеге асыруға –  өз дауысыңызды таңдаған партияға  дауыс беруге шақырамыз".