Жигули Дайрабаев сайлауда дауыс берді

Президенттікке үміткер Жигули Дайрабаев та сайлауда дауыс берді, деп хабарлайды Almaty.tv.

Ол Астанадағы № 396 сайлау учаскесіне әйелі мен немерелерін ерте келіп, бір ауыздан таңдау жасады. Жигули Дайрабаев өз учаскесінде бірінші болып дауыс бергендіктен оған кітап сыйға тартылды.

Айта кетсек, кандидат саяси додаға «Ауыл» партиясы атынан түсіп отыр.

«Сайлау кезінде жасаған таңдауым Отаным – сүйікті Қазақстанымның әрбір азаматының тұрмысының жақсаруы, халықтың бай-қуатты өмір сүруі, әлемдік қауымдастықта жоғары деңгейде орын табуына байланысты. Біздің мемлекеттің болашағы өте зор», – деді ҚР Президенттігіне үміткер Жигули Дайрабаев.