Ақжол Мейірбеков қазақстандықтарды сайлауда дауыс беруге шақырды

Алдағы сайлау біздің болашағымызға әсер етеді. Осылай деген әнші, ҚР Еңбек сіңірген артисі Ақжол Мейірбеков барша қазақстандықтарды 20 қараша өтетін президент сайлауына қатысуға шақырды. 

"Биыл барлық ел болып президент сайлауына қатысамыз. Менің де борышым - бала-шағаммен, жанұяммен 125-сайлау учаскесіне барып, дауыс беру. Ол - біздің болашағымыз, ертеңіміз, жаңа Қазақстанымыз. Барлығыңызды сайлауға қатысып, дауыс беруге шақырамын", - деді әнші.

Алматы қаласы бойынша «1315» бірыңғай нөмірі бар Call-орталық іске қосылды. Ол арқылы 2022 жылғы 20 қарашада өтетін Қазақстан Республикасы Президентінің кезектен тыс сайлауында дауыс беруге арналған сайлау учаскесінің мекенжайы мен нөмірін тексеруге болады.