«Бәріне қарсымын» деген бағам - демократияның белгісі

Еліміздің саясаттанушылары кезектен тыс Президент сайлауының қалай өткеніне баға берді, деп хабарлайды Almaty.tv.

Олар бюллетендегі «бәріне қарсымын» деген бағамның өзі демкоратияның белгісі дегенді алға тартты.

«Бірнеше беделді, танымал саясаттанушы келіп отыр. Сырттан Қытай делегациясы келмекші. Солармен бірлесіп Қазақстандағы саяси науқанның тұжырымдамасын, болашақ тенденциясын зерттемекшіміз», – деді ҚР ҒЖБМ ҒК ФСДИ саяси зерттеулер орталығының директоры Айдар Әмребаев.

«Талпынуымыз керек. Талқылау сол деңгейде өтіп жатыр. Нақтылықтың, ашықтықтың, әділдіктің заманы. Сондықтан сайлаудан кейінгі екінші жауапкершілік халықтың өзіне келеді», – деді философия ғылымдарының докторы Серік Нұрмұратов.