ТүркПА миссиясы Алматыдағы сайлауға жоғары баға берді

Алматы қаласы бойынша ҚР Президентінің сайлауын жариялау жөніндегі баспасөз орталығының алаңында түркітілдес елдер Парламенттік Ассамблеясының (ТүркПА) бақылаушыларының қатысуымен баспасөз конференциясы өтті, деп хабарлайды Almaty.tv.

Түркия Бас Ұлттық Ассамблеясының депутаттары Режеп Шекер мен Юксель Өзқан, ТүркПА комиссиясының хатшысы Энес Йылдырым, ТүркПА халықаралық қатынастар және хаттама департаментінің қызметкері Абдуллах Нури Айваз және ТүркПА байланыс офицері Тахмина Бакиева спикер болды.

Режеп Шекер ТүркПА миссиясы Қазақстан үкіметінің шақыруымен 18 қарашада президенттік сайлауды бақылауға қатысу үшін келгенін хабарлады. Миссиядан республикаға барлығы 20 бақылаушы келді, оның 8-і депутаттар, 12-сі дипломаттар.

"Біз Астана және Алматы қалаларындағы сайлауды бақылауға қатыстық. Қазақстан астанасында біз ҚР ОСК төрағасы Нұрлан Әбдіровпен, ҚР Парламенті Сенатының спикері Мәулен Әшімбаевпен, ҚР Парламенті Мәжілісінің төрағасы Ерлан Қошановпен, Сыртқы істер министрінің орынбасары Әділ Тұрсыновпен кездестік.

Сондай-ақ, Спикер Алматыда ТүркПА бақылаушылары кандидаттар кеңселерінің өкілдерімен сөйлесіп, үгіт-насихат науқанының қалай өткенін талқылады.

"Біз Астана мен Алматыдағы көптеген сайлау учаскелеріне бардық. Сайлаушылармен, бақылаушылармен, сайлау комиссияларының мүшелерімен сөйлестік. Бізге сайлау комиссияларының мүшелерімен бірге мүмкіндігі шектеулі азаматтардың үйіне баруға мүмкіндік берілді. Біз Қазақстанда сайлаушылар үшін ұсынылатын бұл қызметті өте жоғары бағаладық", - деді Р.Шекер.

ТүркПА өкілі ҚР Президентінің сайлауы тыныш жағдайда өткенін атап өтті. Ол сондай-ақ Миссия Қазақстандағы сайлау процесінің ұйымдастырылуын ашық деп санайтынын атап өтті.

"Біздің делегация халықаралық бақылаушыларға жұмыс істеу үшін жасал,ан жағдайды жоғары бағалайды. Сайлау процесін ұйымдастыруда елеулі кемшіліктер анықталған жоқ. Жалпы, Қазақстан мен Түркияда сайлауды ұйымдастыру, бақылаушыларды, сайлау комиссияларының мүшелерін даярлау, оқыту ұқсас. Бізді таң қалдырған және қуантқан жалғыз нәрсе-сайлау комиссиялары өкілдерінің мүмкіндігі шектеулі азаматтарға дауыс беруге қолайлы жағдай жасау үшін оларға баруды ұйымдастырғандары", - деп атап өтті Режеп Шекер.

Сонымен қатар, спикер Алматының сайлау учаскелерінде шырқалған музыкаға, сондай-ақ олардың кейбірінде ұлттық ансамбльдердің өнер көрсетуіне назар аударды.

Сондай-ақ, ТүркПА миссиясының өкілдері ата-аналардың балаларымен бірге дауыс беруге келгенін атап өтті. Р.Шекердің сөзінше кішкентай кезінен бастап балаларды сайлау процестеріне қатысуға үйрету – бұл өте жақсы дәстүр.

Қорытындылай келе, спикер осы сайлаудың нәтижелері Қазақстан халқына пайда әкелуін тіледі.