Қырғыз бақылаушылары Алматыдағы Президент сайлауына жоғары баға берді

Қырғызстаннан келген бақылаушылар 20 қараша, сайлау күні заң бұзушылықты байқамаған. Бұл туралы Қырғыз Республикасы ОСК жанындағы Лейлек-Сулукту АСК-ның арнайы өкілі Абдивали Хамраев, оның әріптесі Қырғыз Республикасы Бішкек АСК төрағасы Бахадыр Конуров және бақылаушы Тілек Шығай хабарлады, деп хабарлайды Almaty.tv.

Спикерлер Қазақстандағы сайлау басқа елдер үшін көрсеткіш екенін атап өтті.

«Біз Алматыда Қазақстан Республикасы Президентінің кезектен тыс сайлауына дайындық және оны өткізу өте жоғары деңгейде деп есептейміз. Біз барған учаскелерде ешқандай заң бұзылған жоқ. Біз ондаған учаскелік сайлау комиссияларында болдық. Барлық жағдайды учаскелік сайлау комиссиялары қадағалады. Комиссия мүшелерінің тәжірибесі мол, учаскелік сайлау комиссияларында сенім білдірілген адамдар, кандидаттар мен байқаушылар да болды», – деді Әбдівали Хамраев.

Бақылаушы Тілек Шығай да әріптестерінің айтқанына қосылып, президенттік сайлаудың нәтижелі өткенін айтты.

«Халықаралық бақылаушылар және басқа да әріптестер ретінде қатысып отырған елдердің арасында жоғары деңгей байқалады. Бұл Қазақстанда сайлаудың қалай өтетінінің көрсеткіші болды деп ойлаймын. Нәтиже бәріміз үшін маңызды. Сағат 20:00-де нәтижелер жарияланады», - деді ол.