Қазақстан Халық партиясы да президенттік сайлауға Тоқаевтың кандидатурасын ұсынды

Қазақстан Халық партиясы да президенттік сайлауға Тоқаевтың кандидатурасын ұсынды. Бүгін елордада саяси ұйымның кезектен тыс 21 съезі өтті, деп хабарлайды Almaty.tv.

Басқосуда делегаттар алдағы саяси науқанға қазіргі Президенттің үміткерлігін ұсыну мәселесін талқыға салып, қолдау көрсетті. Партия төрағасы Ермұхамет Ертісбаев саяси ұйым ел мүддесін басшылыққа алып отырғанын айтып, кезектен тыс сайлаудың маңызды саяси кезең екенін жеткізді.

«Кеше Президент айтты мен коалициядан шығармын деп. Оған біздің партия немесе басқа партия кіруі мүмкін. Басқа қоғамдық ұйымдар да тіркелуі мүмкін», – деді Қазақстан Халық партиясының саяси бюро мүшесі Асхат Асылбеков.