KIELI MEKEN: Димаштың орындауындағы ән Мексика метросында көрсетіледі

Depositphotos.com

Оны 3 миллионға жуық адам көреді

Димаштың орындауындағы KIELI MEKEN әні Наурыз мейрамына орай Мексика метросында көрсетіледі, деп хабарлайды Almaty.tv тілшісі dimashnews.com-ға сілтеме жасап.

27 ақпанда Мексика метросының 576 медиафасадында Димаштың KIELI MEKEN әнімен өнер көрсетуі басталды. Акцияны Мексикандық жанкүйерлер Наурыз мерекесіне орай ұйымдастырды.

Видео 27 ақпан мен 5 наурыз аралығында сағат сайын көрсетіледі. Бұл «Dimash Qudaibergen Méxicoficial» фан-клубының Dears Мехикодағы медиафасадында Димаштың қойылымдарын екінші рет ұйымдастырып отыр.

Метро қаланың негізгі көлік құралдарының бірі болып табылады, сондықтан бейнені 3 миллионға жуық адам көреді.