Imanbek жыл музыканты атанды

MTV Россия телеарнасы 2021 жылдың музыканттарын жариялады. Үздік ондыққа қазақстандық диджей Иманбек Зейкенов (Imanbek) енді, деп хабарлайды Almaty.tv.

Жылдың үздік он музыканты: Мари Краймбери, Slava Marlow, Муся Тотибадзе, Jony, Imanbek, Мот, Zivert, Ваня Дмитриенко, Mary Gu, Анет Сай.

Еске сала кетейік, қазақстандық Иманбек Зейкенов 2019 жылы SAINt JHN – Roses әнінің ремиксін жазып, әлемге танымал болды.

Композиция әлемдік чарттарда бірінші орынды иеленді. Иманбек қазақстандықтардың арасында алғаш болып "Грэмми" сыйлығын алды.