Иманбек америкалық рэпер Lil Xan-мен жаңа трек шығарды, деп хабарлайды Almaty.tv тілшісі Tengrinews.kz сайтына сілтеме жасап.
Қазақстандық диджей 17 желтоқсанда америкалық рэпер Lil Xan-мен Go Crazy трегін шығарды. Видео Глеб Мавриннің YouTube-арнасында жарияланды.
Иманбек пен америкалық рэпер Lil Xan-ның танысуына көктемде GlebaTV YouTube-арнасындағы шоу себеп болған. Онда америкалық орындаушылар, оның ішінде рэпер Lil Xan да орыстың танымал музыканттары туындысын тыңдайды. Шығарылымдардың бірінде Roses (Imanbek Remix) трегі қосылады. Қонақтар ремикс хит екенін, трек ұнағанын және ол туралы естігенін, бірақ авторы кім екенін білмейтінін айтады. Глеб сол кезде Lil Xan мен Иманбекті сырттай таныстырады.
Америкалықтарға орыс музыкасын тыңдатып, пікірін сұрайтын GlebaTV YouTube-арнасындағы шоудың кейінгі шығарылымында Go Crazy трегінің премьерасы болды. Кейінірек GlebaTV Lil Хan және Иманбек түскен видеоны жариялады.
Видео екі бөлімнен тұрады: біріншісі маусымда АҚШ-та түсірілген, онда Глеб полиция көлігінде Lil Xan-мен сұхбаттасқан, ал екіншісі Иманбекпен Қазақстанда түсірілген.
Go Crazy - Иманбектің атақты музыканттармен жазған алғашқы коллабы емес. Ол бұған дейін Ariana Grande, Billie Eilish, Marshmallow, Rita Ora сияқты орындаушылармен бірлесіп трек жазған.
