Димаштың Алматыдағы концертіне билет сатыла бастады

Әнші Димаш Құдайберген 23 қыркүйек күні Алматыда алғаш рет жеке концертін өткізеді. Билеттер онлайн сатыла бастады. Бұл туралы әнші Instagram-дағы парақшасында жазды, деп хабарлайды Almaty.tv тілшісі.

"Алматыда Димаш Құдайбергеннің көптен күткен «STRANGER» атты жеке концерті 2022 жылдың 23 қыркүйегінде өтеді. Билеттер ticketon.kz сайтында қол жетімді. Сілтемесі биода", – деп жазды ол.

Айта кетейік, осыған дейін Димаш Құдайберген күзде Қазақстанда өтетін концертіне дайындығы туралы «23 қыркүйекте өтетін концертте сіздерді не күтіп тұрғанын білмейсіз» деп жазған еді.