|
13.05.2022 | 15:14
2798

Ресейлік қыз Димаштың тегін алды

Ол танымал қазақстандық әртіске деген сүйіспеншілігін көрсету үшін осындай шешім қабылдаған

Ресейлік қыз Димаштың тегін алды instagram.com/kudaibergenova.kristina

Ресейдің Ростов облысы Шахты қаласының тұрғыны Кристина Алексеенко тегін ресми түрде Кудайбергенова деп ауыстырған, деп хабарлайды Almaty.tv тілшісі Tengrinews.кz-ке сілтеме жасап.

Ол танымал қазақстандық әртіске деген сүйіспеншілігін көрсету үшін осындай шешім қабылдаған. 

"Мен Димашты жақсы көремін. Ол керемет адам, талантты әнші. Мен одан 3 ай 1 күн үлкенмін. Оны алғаш рет 2019 жылдың 7 қыркүйегінде Андрей Малаховтың "Привет, Андрей!" шоу бағдарламасында көрдім. Шығарылым Игорь Яковлевич Крутойдың мерейтойына арналды. Димашты көргенде бірден ұнаттым, көзіне ғашық болдым. Бағдарламада шырқаған "Знай" әніне, дауысына ғашық болдым. Осы күнге дейін бұл менің сүйікті әнім", – деді бойжеткен.

Оның айтуынша, ата-анасы мен әжесі қайтыс болған кезде оның аман қалуына Димаштың әндері көмектескен.

Димаштың Швейцариядан келген жанкүйері әртістің қазақ тілін үйренуіне түрткі болғанын айтса, неміс радиосы бағдарламаны қазақстандық әншіге арнағанын еске салайық.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

Прямой эфир