Димаш Құдайберген America's Got Talent шоуына қатысып жатқан Данэлия Төлешоваға сәттілік тіледі, деп хабарлайды Almaty.tv. Бұл туралы әнші өзінің Instagram-дағы парақшасында жазды.
«Балапанчик, мен саған сенемін! Сәттілік, Данелек!» – деп жазады әнші.
Естеріңізге сала кетейік, Данэлия Төлешова бір тәулік ішінде АҚШ көрермендерінің дауыс беру нәтижелері бойынша фавориттер қатарынан көрініп, America's Got Talent шоуының финалына жолдама алған еді.
America' s Got Talent 15-кезеңінің финалы 22 қыркүйекте NBC телеарнасының тікелей эфирінде өтеді.
