|
08.06.2021 | 15:26
18138

«Алматы кеші» бағдарламасы көрерменге жол тартты

Актер, халық әртісі Нұржұман Ықтымбаев кештің тұсаукесер рәсіміне қатысып, көрермендерге ақ батасын берді

«Алматы кеші» бағдарламасы көрерменге жол тартты Almaty.tv

«Алматы» телеарнасынан «Алматы кеші» бағдарламасының алғашқы шығарылымы 6 маусымда көрерменге жол тартты.

Актер, халық әртісі Нұржұман Ықтымбаев кештің тұсаукесер рәсіміне қатысып, көрермендерге ақ батасын берді.

Сондай-ақ, «Алматы аруы - 2020» Әсият Исембаева, ҚР Еңбек сіңірген қайраткері, әнші Медеу Арынбаев және  Алматы қаласының фтизиопульмонология орталығының инфекциялық бөлімінің меңгерушісі Абзал Малбасқанов ток-шоудың алғашқы қонағы болды.

Ток-шоуға елімізге танымал әртістер, музыканттар, жазушылар, өнер қайраткерлері, спортшылар қонақ болып, көрерменнің көңіл сарайын ашады. Себебі бағдарламадан әсерлі әңгіме, астарлы әзіл, көтеріңкі көңіл-күй, қағытпа қалжың, қызықты оқиға  – бәрі-бәрі біздің ток-шоуда.  

Ток-шоу соңында музыкалық топ көрермендер үшін жанды дауыста ән салды.
 Алғашқы қонақ – әнші Медеу Арынбаев бағдарламаның ғұмырлы болуын тіледі.  
«Бағдарлама өте қызықты. Мен оның ғұмырлы болуын тілеймін. Ең бастысы ұйымдастырушылар халықтың қошеметіне ие болып, сол үшін күш-жігерін салса, сүйіспеншілікпен қарайтын болса, әрине ғұмырлы болады деп ойлаймын», – деді әнші.

«Алматы кеші» бағдарламасының толық нұсқасын төмендегі сілтемеден көре аласыздар.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир