Жан Байжанбаев тікелей эфирде жүргізушіге жұдырық жұмсады

«Алматы» телеарнасының «Таңғы STUDIO» бағдарламасы барысында атақты тележүргізуші, актер Жан Байжанбаев таңғы бағдарламаның тікелей эфирінде журналисті ұрып жіберді,  деп хабарлайды Almaty.tv.

Тікелей эфир барысында «Оскар» сыйлығын табыстау кезіндегі шетелдік актер Уилл Смитке қатысты келеңсіз оқиға жайлы айтылды.  Актер “Оскар” салтанаты кезінде ол жердегі жүргізушіні ұрып жіберген еді.

Қазақстандық журналист Байжанбаевтың әлі «Оскар» ала қоймағанын және де оның бұл сыйлыққа лайық болмағаны үшін мұның таңғалдырарлық жағдай емес екенін де айтқан. Журналисттің бұл сөзіне ашуланған Байжанбаев студиядан шығып, тілші тұрған аймаққа барып, оны жұдырығымен ұрып жіберді.