Отандасымыз Африкадағы триатлон жарысында топ жарды

Аян Бейсенбаев триатлоннан Африка кубогіне қатысып, елге жеңіспен оралды деп хабарлайды Almaty.tv тілшісі Қазақстан триатлон федерациясының баспасөз қызметіне сілтеме жасап.

Зимбабвенің Ньянга қаласында өткен куботік бәсекеде Аян Elite санатында жеңімпаз атанды. Ол спринтерлік қашықтықты 1:01:18 уақыт көрсеткішінде аяқтаған.

Екінші және үшінші орындарды Марокконың спортшылары алды: Джавад Абдельмула (1:01:44) мен Бадр Сиване (1:04:18).

Әйелдер санатында бірінші және екінші орындарды ОАР спортшылары иеленді: Ханна Ньюман (1:13:11) мен Бриджет Теуниссен (1:16:08). Үштікті жергілікті спортшы Гриир Уинн (1:21:59) тұйықтады.