|
25.12.2023 | 09:10
5125

Белгілі боксшы Серік Нұрқазовқа іздеу салынды

Ол 14 желтоқсанда үйінен белгісіз бағытқа шығып, қайта оралмаған

Белгілі боксшы Серік Нұрқазовқа іздеу салынды Фото: elements.envato.com

Алматыда 64 жастағы белгілі қазақстандық және кеңестік спортшы Серік Нұрқазов жоғалып кетті, деп хабарлайды Almaty.tv тілшісі Kazinform.kz-ке сілтеме жасап.

"Қоғам" жедел әрекет ету жасағының Instagram парақшасында Алматыда танымал спортшы Серік Нұрқазовқа іздеу салынғаны туралы ақпарат шықты. Ер адам 14 желтоқсанда үйінен белгісіз бағытқа шығып, қайта оралмаған. Оның басында сұр шапка, үстінде капюшоны бар көк күрте, ақ жемпір, қара джинсы болған. Сондай-ақ оның шашы ақ және сақалы бар екені айтылған.

Серік Төкенұлы Нұрқазов Қарағанды облысында дүниеге келген: бокстан КСРО еңбек сіңірген спорт шебері; 1983 жылы Римде өткен Әлем кубогының күміс жүлдегері; 1981 жылы Тамперада өткен Еуропа чемпионатының қола жүлдегері; 1983 жылы Варнада өткен Еуропа чемпионы; КСРО-ның бірнеше дүркін чемпионы.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир