Шардаралық жігіт армрестлингтен әлемнің 26 дүркін чемпионын жеңді

Шардаралық (Түркістан облысы) Қыдырғали Онғарбаев Түркияда 6 тамызда өткен East vs West халықаралық турнирінде армрестлингтен аты аңызға айналған, әлемнің 26 дүркін чемпионы америкалық Джон Брзенкті жеңді, деп хабарлайды Almaty.tv тілшісі Shardara.armsport-қа сілтеме жасап.

Онғарбаев 3-1 есебімен жеңіске жеткен. Тағы бір жерлесіміз Сарыбай Ердаулет қарсыласы - әлемнің бірнеше дүркін чемпионы түркиялық Юсуф Илдызоглуны 3-0 есебімен жеңді.

Оңғарбаев белгілі жаттықтырушы Арман Қарсыбаевтың шәкірті. Қыдырғали ауыр салмақта Қазақстан мен Азияның абсолют чемпионы, әлем кубогының иегері және әлем чемпионы.