Медеу ауданында 400 млн теңгеге велотрек салынды

Алматы қаласы әкімі Ерболат Досаев Медеу ауданы тұрғындарымен кездесуінде ауданды спорт нысандарымен қамту жұмыстары жайлы айтып берді, деп хабарлайды Almaty.tv.

"Ағымдағы жылдың маусым айында Орталық мәдениет және демалыс саябағында жобалық қуаты күніне 100 адамға арналған велотрек құрылысы аяқталды. Жеке инвестициялар көлемі шамамен 400млн теңгені құрады", - деп мәлімдеді қала әкімі.

Оның айтуынша, жыл соңына дейін Алатау ықшамауданында жобалық қуаты 150 адамға арналған дене шынықтыру-сауықтыру кешені ашылады.