Қазақстандық боксшы Геннадий Головкин (38-1-1, 34 КО) мен канадалық Стив Роллс (19-0, 10 КО) Нью-Йорктегі Times Square алаңында көз арбасқаннан кейін, желіге суреттерін жариялады, деп хабарлайды Vesti.kz.
«Жекпе-жекке дейін алты күн», - деп жазды Роллс Instagram парақшасында.
«Келесі аптада! Кері санауды бастаймыз», - деді Головкин.
Еске сала кетейік, олар бұл кеште екінші орта салмақта WBC International титулын сарапқа салады. Головкин - Роллс жекпе-жегі 8 маусым (Нұр-Сұлтан уақытымен 9 маусым таңында) Нью-Йорктің Madison Square Garden аренасында болады. Осы кездесу Головкиннің DAZN платформасымен келісімшарты аясындағы алғашқы жекпе-жегі болмақ.
Посмотреть эту публикацию в InstagramПубликация от Vestikz (@vestikzgram)2 Июн 2019 в 6:43 PDT
