ӘЧ-2022: Қай құрамалар плэй-офф кезеңіне жолдама алып қойды

Футболдан әлем чемпионатында 2-турда Португалия құрамасы Уругвайды жеңді, деп хабарлайды Almaty.tv тілшісі Prosports.kz-ке сілтеме жасап.

Ойын 2:0 есебімен аяқталды. Бруно Фернандеш дубль авторы атанды. Бірінші гол басында Криштиану Роналдуға, кейін Фернандешке жазылды.

Осы жеңістен кейін Португалия құрамасы Н тобында алты ұпай жинап, плэй-офф кезеңіне жолдама алды. Бұған дейін команда Гана құрамасын жеңген еді.

Осылайша, топтық кезеңнің 2-турынан кейін үш құрама 1/8 финалға жолдама алып қойды - Франция, Бразилия және Португалия.

ӘЧ-2022. H тобы. Екінші тур.

Португалия – Уругвай – 2:0 (0:0)

Голдар: Фернандеш 54 (1:0), Фернандеш 90+1 (2:0)

Ескертулер: Невеш 38, Феликс 77, Диаз 89 – Бентанкур 6, Оливера 44

Төреші: Фагани (Иран)