Головкин мен Канело арасындағы үшінші жекпе-жектің өтетін орны белгілі болды

Matchroom Boxing промоутерлік компаниясының басшысы Эдди Хирн қазақстандық боксшы Геннадий Головкин мен мексикалық Сауль «Канело» Альварес арасындағы үшінші жекпе-жектің өтетін орны белгілі болды, деп хабарлайды Almaty.tv тілшісі Sports.kz-ке сілтеме жасап. 

Жекпе-жек Лас-Вегастағы T-Mobile аренасында өтеді. Олардың соңғы екі кездесуі де дәл сол жерде өткен. Біріншісі тең аяқталса, екіншісінде төрешілер жеңісті мексикалық боксшыға берді, бірақ кейін сарапшылар бұл нәтижені әділетсіз деп санаған. Жекпе-жек супер орта салмақта өтеді. «Канело» бұл категорияда абсолютті әлем чемпионы болып табылады.