Қазақстан құрамасы еркін күрестен 17 жасқа дейінгі жасөспірімдер арасындағы әлем чемпионатында екінші алтынды қанжығасына байлады, деп хабарлайды Almaty.tv тілшісі.
Бұл жолы алтынды Камил Куруглиев алып берді. Қазақстандық палуан финалда Муса Ашрункаевпен белдесіп, қарсыласын 11:0 есебімен тізе бүктірді.
Ол жартылай финалда 92 келі салмақта АҚШ елінің өкілі Максвелл Райан Макенеллиді жеңген болатын. Палуан қарсыласынан 12:2 есебімен басым түсті.
Сондай-ақ, кеше ел құрамасынан Дарын Әскербек еліміздің намысын қорғап, алғашқы алтынды алып берген болатын. Ол финалда америкалық Джексен Патрик Форрестпен кездесіп, жеңімпаз атанды.
Әлем чемпионаты Италия астанасы Рим қаласында өтіп жатыр.
