Қуат Хамитов қарсыласын бірінші раундта жеңді

Қазақстандық файтер Қуат Хамитов (22-6-2) Атырауда өткен Mergen Fighting Championship 1 аралас жекпе-жек турнирінің хедлайнері болды, деп хабарлайды Almaty.tv тілшісі Sports.kz-ге сілтеме жасап.

Оның қарсыласы украиндық файтер Роман Головинов (10-4) болатын.

Хамитов оны негізгі жекпе-жектің бірінші раундында буындырып тастады.

Осылайша Қуат Хамтиов ММА-дағы кәсіби карьерасында 23-жеңісіне қол жеткізіп, MFC промоушнының чемпиондық белдігін иеленді.

Оның қарсыласы Роман Головинов болса, спорттағы жолында бесінші мәрте жеңілді.  

Бұл Қуаттың 2021 жылғы екінші жекпе-жегі екінін атап өткен жөн. Біріншісі жекпе-жек қаңтар айында өтіп, Хамитов ресейлік Максим Пантелеевті (0-1) 49 секундта нокутқа түсірген еді.