|
03.12.2022 | 12:16
726

Головкиннің келесі қарсыласымен жүргізген келіссөзі белгілі болды

Головкинге екі міндетті титулды қорғау жүктелген

Головкиннің келесі қарсыласымен жүргізген келіссөзі белгілі болды inbusiness.kz

Boxingscene.com журналисі Джейк Донован WBA Super, IBF және IBO нұсқалары бойынша әлем чемпионы Геннадий Головкин мен орта салмақтағы мексикалық Хайме Мунгияның жекпе-жегі жақын арада болмайтынын атап өтті, деп хабарлайды Almaty.tv тілшісі ҚазАқпаратқа сілтеме жасап.

Күні кеше Мунгия қазақстандық боксшы Жәнібек Әлімханұлымен WBO санкциялаған жекпе-жектен бас тартқаны белгілі болды.

Мунгия бұған дейін BoxingScene.com-ға WBC орта салмақтағы чемпионы Джермалл Чарломен (32-0, 22 КО) және WBA/IBF біріккен чемпионы Геннадий Головкинмен үлкен жекпе-жек өткізгісі келетіні туралы айтқан болатын. Соңғы нұсқа бойынша жекпе-жектің өтуі екіталай. Өйткені Головкинге (42-2-1, 37 КО) екі міндетті титулды қорғау жүктелген. IBF рейтингісіде бірінші Эскива Фалькаомен келіссөздер жалғасып жатыр. Содан кейін жеңімпаз WBA-ның міндетті қарсыласы және кіші чемпионы Эрисланди Ларамен кездесуі мүмкін. Бұған дейін бұл жекпе-жекке тапсырыс берілген болатын. Алайда рұқсат етуші органдар Фалькаоға ротацияда бірінші болуға рұқсат берген кезде жекпе-жек кейінге қалдырылған.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир