Қазақстандық файтерлер Азия біріншілігінде үздік нәтиже көрсетті

Азия чемпионатында аралас жекпе-жектен (ММА) 12 жекпе-жектің 11-інде қазақстандық спортшылар жеңіске жетті, деп хабарлайды ҚР аралас жекпе-жек федерацияның баспасөз қызметі.

2019 жылы 1 мамырда Бангкоктағы (Таиланд Корольдігі) ММА-дан Азия чемпионатының бірінші күнінде Қазақстан құрамасы 13 елден жиналған қарсыластарын ойсырата жеңді. 12 жекпе-жектің 11-і біздің спортшылардың жеңістерімен аяқталды.

Чемпионаттың жартылай финалына Әділхан Аязбаев, Дархан Өмірбеков, Дастан Амангелді, Олжас Молдағалиев, Еламан Шалқымбеков, Анатолий Золотых, Мәжит Сардаров, Неймат Асадов, Айдын Төлепбаев, Александр Вал, Мәди Досмұхамедов өтті. 12-боксшы Александр Дя жартылай финалға автоматты түрде өтті, өйткені оның қарсыласы медициналық куәландырудан кейін жарыстан шығарылды.

«Барлық KAZMMA командасына, Федерацияның Бас директоры Уәлихан Тен мен Қазақстан ММА федерациясының президенті Ғалымжан Есеновке үлкен алғысымызды білдіреміз. Біздің алдағы мақсат - Таиландтан көбірек медаль алып келу», - делінген құраманың ұжымдық жолдауында.

Айта кетейік, ММА-дан Қазақстан чемпионы Еламан Шалқымбеков Азия чемпионатында Бахрейннен келген Абдулманап Магомедовты жеңіп қана қоймай, терең бассейнге батып бара жатқан Үндістанның азаматын құтқарып өзінің батылдығымен тағы біресте қалды.

Еске салайық, 2018 жылдың желтоқсанында Қазақстанда жаңақұрылым – «Қазақстанның ММА бойынша біріккен федерациялар Қауымдастығы» құрылды. Оған Қазақстан ММА аралас жекпе-жек Федерациясы, аралас жекпе-жек ұлттық федерациясы, панкратион және грэплинг және NOMAD MMA федерациясы кірді.