Көкпардан Қазақстан құрамасы жеңіске жетті

Фото: Ұлттық және ат спорты түрлері орталығы

Тартысқа толы бәсеке 5:4 есебімен аяқталды

Көкпардан финалдық ойында Қазақстан құрамасы Қырғызстан командасын 5:4 есебімен жеңіп, алтын жүлдеге ие болды, деп хабарлайды Аlmaty.tv Туризм және спорт министрлігінің баспасөз қызметіне сілтеме жасап.

Ведомство мәліметінше, алғашқы таймда 1:3 есебімен Қырғызстан құрамасы алға шықты. Екінші таймда есеп теңесіп, 4:4 есебімен аяқталды.

Үзілстен кейін «алтын салым» салуға 10 минут уақыт беріліп, шешуші салымды қазақстандық көкпаршы салды.

«Тартысқа толы бәсеке 5:4 есебімен аяқталып, қазақстандық көкпаршылар Дүниежүзілік көшпенділер ойындарының алтын жүлдесіне ие болды», - делінген хабарламада.

Оқи отырыңыз: Көшпенділер ойындары: Қазақстан үшінші күні қанша алтын жүлде жеңіп алды