Боксшылар Олимпиада жолдамасына таласады

Бүгін Иорданияның Амман қаласында бокстан Токио олимпиадасына жолдамалар сарапқа салынатын жарыстың алауы тұтанды. Олимпиада ойындарына барлығы 63 лицензия үлестіріледі, деп хабарлайды Almaty.tv.

Қазақстан құрамасы сапынан Азия-Тынық мұхиты аймағы елдерінің іріктеу турниріне ерлерден 8 салмақ, әйелдерден 5 салмақ санатында жалпы 13 боксшы сынға түседі.

Сондай-ақ, коронавирусқа байланысты хоккейден әлемдік чемпионат  өтпейтін болды. Бұл туралы халықаралық Хоккей федерациясы індеттің таралуына байланысты наурыз айындағы халықаралық турнирдің өтпейтінін мәлімдеді.

Бокстан турнирге қатысатын Қазақстан құрамасының мүшелері:

52 келіде - Сәкен Бибосынов

57 келіде - Серік Теміржанов

63 келіге дейінгі салмақ дәрежесінде - Закир Сафиуллин

69 келіге дейінгі салмақ дәрежесінде - Абылайхан Жүсіпов

75 келіге дейінгі салмақта - Әбілхан Аманқұл

81 келіге дейінгі салмақ дәрежесінде -Бекзат Нұрдәулетов

91 келіге дейінгі салмақта - Василий Левит

91 келіден астам аса ауыр салмақта - Қамшыбек Қоңқабаев